Matapos ang rollback sa presyo sang mga produkto nga petrolyo sa una nga semana sang 2025, taas presyo naman ang magasugata sa mga motorista sa masunod nga semana.
Base sa international trading sa nakaligad nga 4 ka adlaw, ginabanta nga may yara sang umento sa gatong nga P0.40 tubtob P0.70 kada litro.
Sa diesel naman, ginalauman nga may taas presyo nga P0.75 tubtob P1.00 kada litro.
Samtang sa Kerosene naman, ginalauman ang umento nga P0.70 tubtob P0.80 kada litro.
Suno kay Department of Energy (DOE) – Oil Industry Management Bureau Assistant Director Rodela Romero, ang mga factor nga nag-impluwensiya sa paghulag sang presyo sang mga gatong ang pagpalawig sang OPEC+ sang production cuts tubtob sa Abril 2025, posible nga pagtaas sang demand sa heating fuels sa US kag Europa kag geopolitical risks kag trade tensions.
Ginalauman naman nga sa adlaw sang Lunes, Jan.6, iga-anunsiyo sang mga kompaniya sang gatong ang opisyal nga price adjustments kag igapatuman naman ini sa adlaw sang Martes, Enero 7.
