Duha na lang ka kadalag-an ang kinahanglan sang western conference top team Oklahoma City Thunder agud makaabante sa semifinals
Ini pagkatapos nga ang OKC liwat nga nagdominar sa Game 2 batok sa Memphis Grizzlies kag nakakuha sang 19-point nga kadalag-an, 118 – 99.
Ang Thunder nagpugong sang pagbalik sang Memphis sa ikaduha nga quarter, nga naghimakas sa pagdula sang 18-puntos nga kakulangan sa una nga katunga sang hampang.
Natigayon sang Memphis nga mabuhinan ini sa 11 puntos sa katapusan sang ika-3 nga quarter, apang madasig nga gin-utod sang Thunder ang momentum sang ila kontra pagkatapos nga nagdominar liwat sa katapusan nga quarter, 28 – 20.
Sa tanan nga aspeto sang hampang, ang performance sang Thunder ang nagapangibabaw, bangud naka-post sila sang 45 ka made shots kumpara sa 39 sang Memphis.
Sa 3-pointers, nakahimo sang 15 ang top team samtang napulo lang ang nahimo sang Grizzlies. Bisan sa free throw kag paint area, may bentaha man si Thunder.
Sa depensa, ang Thunder nakakuha sang 55 ka rebounds samtang ang Memphis nakakuha lamang sang 42. Ang OKC nagdominar man sang block steal, kag mga assist, samtang ginapilit sini ang kontra nga maghimo sang 14 ka turnovers kon ipaanggid sa nahimo sini nga pito.
Pagahiwaton ang Game 3 kag Game 4 sa FedExForum, sa homecourt sang Memphis. Diri ang team may tsansa nga magtabla sang serye sa 2 – 2 sa atubang sang homecrowd.
Apang kun makalab-ot ini sa Game 5, magabalik ini sa home court sang Thunder samtang ang Game 6 liwat nga hiwaton sa Grizzlies’ court.
