ROXAS CITY -Gin-athag sang Provincial Director sang Department of Trade and Industry -Capiz nga indi iligal pagpatigayon sang online barter.
Ini ang gin-athag ni DTI-Capiz Provincial Director Kenn Quennie Cuñada sang mainterview sang Bombo Radyo.
Ginpahayag ni Cuñada indi mapapauntat sang ahensya sang nagahinabo nga online barter sa probinsiya bangud wala ini sang direktiba gikan sa matag-as nga opisina sang DTI.
Gin-athag sini nga ang ginpaguwa nga statement ni DTI Secretary Ramon Lopez ang isa gid lamang ka sushestion nga iligal ang barter sa online bangod wala ini nasakup sa mga pagsulundan sang ahensya.
Apang aminado si Cuñada nga wala sang may ginalapasa ang online barter sa pagsulundan sang ahensya.
Suno sa opisyal nga sandig sa monitoring sini, wala sang money involved ang nagahinabo nga online barter sa probinsiya.
Samtang nagpaandam ini sang mga nagabarter sa online nga kinahanglan nga kilalahon gid sang mga indibidwal ang ila mga kabarter agud malikawan ang pagpatunto.
