Indi na ma-access ang online gambling pinaagi sa e-wallets matapos ginmandu sang Bangko Sentral ng Pilipinas nga pangkakason ang gaming applications tubtob lang kahapon, Sabado, las 8 sang gab-i.
Ini ang katuyuan sang gobyerno agud maprotektahan ang consumers gikan sa pagka-adik sa sugal.
Sang damlag lang sa Senate hearing, nagpaandam si Senator Erwin Tulfo nga ‘i-cite in contempt’ niya si BSP Deputy Governor Mamerto Tangonan kun may yara pa sang e-wallets nga may e-gambling platforms sa sulod sang 48 oras.
Nagpahayag man si Tangonan nga pagadagdagan sang Bangko Sentral ng Pilipinas sang penalidad ang ano man nga financial institutions nga may yara sa gihapon sang e-gambling platforms apisar natapos na ang natalana nga deadline.
Dugang pa niya, tun-an anay sang Bangko Sentral ng Pilipinas ang feedback sang publiko sa mangin bag-o nga pagsulundan. Lakip sa ginabalay nga pagsulundan amo ang masunod;
1. Kun luyag mo magbutang sang kwarta ukon ‘top-up’ sa gambling app, mahimo ka lamang makabutang sang tubtob sa 20% sang imo average nga kwarta nga yara sa imo account.
2. Mahimo ka lamang mag-engage sa online gambling transactions nga may limitado nga oras sa diin anum lang ka oras sa isa ka adlaw.
3. Kag kun mahibaluan sang system nga nagasugal ikaw nga lapaw na sa limitado nga oras ,i- block sang payment app ang imo transactions sa sulod sang 24 oras. Ini ang ginatawag nga ‘cooling-off period’.
