Nagfile si Senador Win Gatchalian sang resolusyon nga may tinutuyo imbestigahan ang paglapta sang Online Sexual Abuse and Exploitation of Children ukon OSAEC sa pungsod agud makahatag sang luwas nga online environment para sa mga kabataan.
Suno kay Gatchalian, ang Pilipinas ang ginakabig isa ka global hotspot pag-abot sa OSAEC bangud sa nagkalain-lain nga mga rason kaangay sang kapigaduhon, underdevelopment, digital payment systems, mataas nga English proficiency sang mga Pilipino, subong man sang demand nga nagikan sa mga dumuluong.
Ginpunto man sang Senador nga sa pahayag sang Scale of Harm sang International Justice Mission, halos tunga sa milyon nga mga kabataan nga Pilipino ang na-traffic online pinaagi sa live streaming sadtong 2022.
Bangud sini, indi masobra sa 74% nga mga kaso sang pagpang-abuso sekswal batuk sa mga kabataan ang natukiban nga ginahimo sang mga himata ukon mga indibidwal sa sulod sang “circle of trust” sang mga biktima kaangay sang pamilya, kag mga ginikanan.
Mahibaluan nga sa datos nagikan sa Philippine National Police Women and Children’s Protection Center, masobra 17,600 ang napahayag nga kaso sang mga paglapas sa kinamatarong sang kabataan sadtong 2023.
Kinahanglan suno kay Gatchalian nga may kinahanglan nga pabaskugon ang pangpungsudnon nga kooperasyon agud mapaayo ang pagpakigbahin sang datos kag pag-imbestiga sa
cross-border; pag-abot sa mga digital platform, kalakip na ang mga kumpanya sang social media agud matumod kag makakas ang mga ‘harmful content;’ kag mapatuman ang komprehensibo nga pampubliko nga awareness campaign sa mga komunidad, partikular na ang vulnerable groups may kaangtanan sa mga delikado nga OSAEC.
