Operasyon sa Libas Fishing Port magabalik buwas nga adlaw

ROXAS CITY-Magabalik na sa Miyerkules nga adlaw, Agosto 26 ang operasyon sa Libas Fishing Port sa Barangay Libas sining siyudad matapos nga duha ka adlaw nga ginpaidalom sa lockdown ni Roxas City Mayor Ronnie Dadivas.

Sa official statement ni Dadivas facebook ginpahayag sini nga magabalik na ang operasyon sa Libas Fishing Port.

Apang gin-athag sang alkalde nga hugot nga ipatuman ang mga health protocols agud nga malikawan ang paglapta sang COVID-19.

Nahibaluan nga ang tanan nga magasulod sa port ang kinahanglan nga may yara sang suksuk nga facemask, faceshield kag mag-obserbar sang physical distancing.

Matandaan nga ginpaidalom sa lockdown kasunod sang pagpositibo sa COVID-19 sang ports supervisor sang nasambitan nga port