ROXAS CITY – Luyag nga ipauntat sang mga pumuluyo ang operasyon sang quarry sa Sitio Almon, Barangay Malocloc Sur, Ivisan, Capiz.
Sa Interview sang Bombo Radyo kay Nanay Lita, ginpahahayag sini nga nakapangalan ang quarry permit kay Julie Ann Azarcon kag ginapanag-iyahan ni Mayor Felipe Neri Yap.
Suno kay Nanay Lita nga sang una ginpatawag palang sila nga sa diin gin-istoryahan ang operasyon sang quarry apang nakibot sila nga gingamit ang ila attendance nga nagapasugot sila sa amo nga operasyon.
Dugang pa sini nga madamo sila nga mga pumuluyo ang apektado sang quarry kay nagasulod ang lapok sa ila balay ilabi na subong nga nagainulan.
Pahayag pa sini nga nahadlok sila sa posible landslide nga matabo kag matabunan ang ila mga kabalayan.
Nagahulat naman sang aksyon nagikan sa CAPENRO sumugod nag-umpisa ini sang nakaligad nga tuig.
