Tunga ang reaksyon sang mga opisyal sang Barangay Cagay, Roxas City, kasunod sang pag-apruba sang House of Representatives sa House Bill No. 10971 nga palawigon sa lima ka tuig ang termino sang mga barangay kag SK officials.
Sa interview sang Bombo Radyo kay Barangay Kagawad Isidro Aragaon Jr., iya ginpahayag nga pabor siya kun matuman ang eleksyon, bangud kun maayo kag tampad sa serbisyo ang mga barangay officials wala ini dapat ikabalaka.
Suno kay Aragaon, kun indi man madayon ang BSKE, pabor ini sa mga incumbent officials bangud mahatagan sila sang kahigayunan nga mapadayon kag maimplementar ang mga proyekto nga ila naumpisahan.
Ginpahayag sini nga importante nga magpadayon ang mga programa kag serbisyo sa barangay para sa kaayuhan sang mga residente.
