Yara na sa 273 ka mga menor de edad ang nadakpan nga nagalapas sa mga traffic ordinance sa bug-os nga Western Visayas, bilang kabahin sang programa nga Oplan Sagip Bata sang kapulisan.
Sa interview sang Bombo Radyo kay Police Major Lailyn Sencil, spokesperson sang PRO 6, iya ginpahayag nga ginapatuman ang nasambit nga programa para malikawan ang mga aksidente nga nagalakip sa mga menor de-edad nga nagamaneho sang motorsiklo kag iban pa nga salakyan nga wala sang lisensya kag wala nagasuksok sang protective gear kaangay sang helmet.
Suno kay Sencil, sa 273 ka menor de edad nga nadakpan, 42 ang diri ang sa Aklan, 36 sa Antique, 38 sa Capiz, 8 sa Guimaras, 102 sa Iloilo Province, 32 sa Iloilo City, kag 15 sa Regional Mobile Force Battalion.
Dugang pa sang natungdan, ang mga menor de edad nga nadakpan ginhatagan sang warning kag multa, depende sa traffic ordinance nga ila nalapas.
Nagpangabay man ini sa mga ginikanan nga giyahan maayo ang ila mga kabataan kag tudluan sang husto nga paggamit sang motorsiklo kag iban pa nga salakyan.
