ROXAS CITY – Nagtambong sa pila ka mga aktibidad sang Capiz Police Provincial Office (CPPO) si Police Brigadier General John Bulalacao, Regional Director sang Police Regional Office (PRO6) bilang kabahin sang iya farewell visit antes magretiro sa Hunyo 27, 2019.
Ginpahayag ni Police Colonel Canilo Fuentes, provincial director sang CPPO nga una nga ginbisitahan ni outgoing PRO6 director Bulalacao ang Capiz sa mga probinsiya sa Western Visayas antes ini magretiro sa serbisyo.
Personal man nga ginsaksihan ni Bulalacao ang blessing kag inagurasyon sang school building nga daycare center nga yara sa sulod sang Camp Teodorico Apil, sa Barangay Lanot.
May yara man sang gift giving sa mga kabataan sa Barangay Olutayan nga gin-updan sang tiayon sang opisyal nga si Mrs. Bulalacao kag ang awarding ceremony kag pinning of Medals sa mga PNP members sa syudad sang Roxas kag kabanwahanan sa probinsiya sang Capiz nga may maayo nga performance kag accomplishments sa nagapanguna nga kampanya sang pulisya kasubong sa iligal nga droga, wanted persons kag loose firearms.
Samtang nahibaluan nga prayoridad sa ginpatindog nga daycare center sa sulod sang Camp Apil ang anak sang mga pulis, apang mahimo man nila nga akomodahon ang iban nga mga preschoolers.
