Wala sang confidential funds ang Office of the Vice President nga nakasulod sa National Expenditure Program para sa masunod nga tuig.
Sa pulong balitaan sa Kamara matapos ang ceremonial turnover sang proposed national budget, ginsiling ni Budget Secretary Amenah Pangandaman nga 10.28 billion pesos ang confidential kag intelligence funds sa NEP.
Mas manubo ini suno diri sang 16 percent kun ikumparar sa CIFs sa 2024 General Appropriations Act sa diin naglab-ot 12.378 billion pesos.
4.37 billion pesos nagikan diri ang confidential funds samtang 5.92 billion pesos naman ang intelligence funds.
Kalakip sa mga ahensya nga may yara sang CIFs amu ang Department of National Defense nga may 1.70 billion pesos; National Intelligence Coordinating Agency ukon NICA nga may 991 million pesos; Philippine National Police nga may 806 million pesos kag PDEA nga may 500 million pesos.
Sulod man sang CIF sa NEP ang Department of Justice nga may 579.4 million pesos kaupod na ang Immigration kag NBI; Finance Department nga may 79.5 million pesos subong man ang Bureau of Customs kag BIR, Department of Transportation, Philippine Coast Guard nga may 405 million pesos.
Samtang, pinakagamay naman ang alokasyon sa Commission on Human Rights nga may isa ka milyon ka piso.
