-- ADVERTISEMENT --
Liwat nga gin-file sang Makabayan bloc ang P1,200 nga ‘living wage hike’ bill.
Ginpangunahan sang ACT Teachers Partylist Rep. Antonio Tinio kag Kabataan Partylist Rep. Renee Co ang pag-file sang House Bill 2500 ukon National Minimum Wage Act.
Suno sa mga mamalidha, wala ginsapak sang nagligad nga 19th Congress ang nasambit nga hagna, gani ila ini liwat nga gin-file.
Nasaad man sa probisyon ang pag-amyenda sa Labor Code kag pagdula sang Regional Wage Board nga pagabuslan sang National Wages and Productivity Board.
Kon mangin laye, mangin P1, 200 ang minimum wage para sa tanan nga mamumugon sa pungsod.
-- ADVERTISEMENT --
