Ginreport sang Securities and Exchange Commission (SEC) nga P1.7 trilyon ang nadula sa stock market sang Pilipinas sa sulod lamang sang tatlo ka semana bangud sa isyu sang korapsyon kun sa diin involved ang flood control projects.
Suno kay SEC Chair Francis Lim, tuman nga naapektuhan ang pagsalig sang publiko kag mga investors nga nagtuga sang negatibo nga epekto sa palaabuton sang ekonomiya sang pungsod.
Dugang pa niya, kon maguba ang ila pagsalig, madula ang kapital, kag ang tanan nga makaapekto sa gobyerno, negosyo, kag pumuluyo.
Ginsambit man ni Lim nga sa subong mahinay nga paghulag sang merkado nga nagapakita sang “crisis of confidence’.
Nagpanawagan ini sa mga public servants nga buhion liwat ang pagsalig sang publiko agud mapasanyog ang pag-uswag sang ekonomiya sa Pilipinas.
