Nagpabutyag ang pila ka jeepney driver nga indi makapihan-pihan ang P1.00 nga pagtaas sa pamasahe nga nakatalana nga ipatuman sa Webes nga adlaw.
Nahibaluan nga subong nga adlaw, ginpagwa sang Department of Transportation (DOTr) ang P1.00 nga pagsaka sang pamasahe sa traditional jeepney kag P2.00 naman sa modernized jeepney.
Sa interview sang Bombo Radyo kay Romel Atangke, traddional jeepney driver, iya ginpahayag nga kinanganlan nga may yara sang naga-igo nga tikang ang gobyerno para makabulig sa mga jeepney drivers kag operators.
Suno kay Atangke, ang pagsaka sang plete indi maka salbar sa ila kinahangalanon bangud nagalab-ot na sa halos P100 kada litro ang presyo sang gatong.
Dugang pa sini nga kun magapadayon ang pagsaka sang gatong mahimu nga mauntat nalang sila sa pag byahe.
