POBLACION TABUC, Mambusao, Capiz – Arestado ang apat ka High Value Individual “HVI”, sa ginpatigayon nga drug buy-bust operation sa Barangay Poblacion Tabuc, Mambusao, Capiz.
Ginkilala ang suspetsado kanday alias Jie, 26-anyos, residente sang Barangay Brgy. Matinabus, Sigma, Capiz kag sa karon temporary nga nagapuyo sa Barangay Tabuc, Mambusao, Capiz; alias Koy-koy, 28-anyos, residente Barangay Poblacion, Tabuc, Mambusao, Capiz; alias Teroy, 42-anyos, residente sang Barangay Matangcong, Sigma, Capiz; kag alias Boy/Hans, 32-anyos, residente sang Barangay Banica, Roxas City.
Sa interview sang Bombo Radyo kay Police Captain Dennis C. Losbañes, Team Leader sang Regional Police Drug Enforcement Unit 6, iya ginpahayag nga antes paman nga matigayon ang pag aresto sa apat ka suspek masobra duha ka semana ang pag surveillance sa ila samtang sa takna sang 3:04 subong nga Agosto 14, 2026 nangin madinalag-on nga na aresto ang mga suspetsado pinaagi sa pagpanguna sang Regional Police Drug Enforcement Unit “RPDEU” 6, Regional Intelligence Division “RID” 6, Philippine National Police Drug Enforcement Group, Special Operations Unit “PDEG, SOU” 6, kag Mambusao Municipal Police Station.
Pahayag pa niya bilang ibidensya narekober sa ila ang 1 sachet sang ginasupetsahan nga droga bilang buy-bust item, 8 heat-sealed sachet, 4 knot-tied transparent plastic, proceeds money, 3 ka cellular phones, 2 digital weighing scales, 1 ka unit sang 38 caliber revolver, nagkalain-lain nga non-drug item, kag 300 grams sang iligal nga droga nga nagabalor sang P2, 040, 000.00 nga ginbase sa base Standard Drug Price ukon “SDP”.
Dugang pa sa impormasyon paglapas sa Republic Act 9165 mas kilala sa Comprehensive Dangerous Drugs Act of 2002 kag Republic Act 10591 ini amo ang Comprehensive Firearms and Ammunition Regulation Act.
Nahibaluan nga wala sang pagpili ang mga suspek kun sin-o ang ila pagabaligyaan menor de edad man ukon tigulang hasta nga ma kwartahan magaduso ukon maggamit man sang iligal nga droga.
Sa karon ginapanawagan man sang natungdan nga mag kooperar agud matapna ang pagdamu sang iligal nga droga, samtang ang pag edukar ang ginatan-aw nga mangin solusyon nga wala sang mahatag nga kahilwayan ang pagduso kag paggamit sang iligal nga droga.
