Mahimo na nga makabakal ang mga public school teachers kag non-teaching personnel sang P20/kilo nga bugas sa idalum sang programa sang Benteng Bigas Meron (BBM), suno sa Department of Agriculture (DA).
Kasunod ini sang memorandum of understanding (MOU) sa tunga sang DA kag Department of Education (DepEd), nga ginpirmahan sa 2025 Kadiwa ng Pangulo (KNP) Expo sa Manila, nga nagapasangkad sang paglab-ot sang programa sa mga buluthuan sa bug-os nga pungsod.
Target sang programa ang ginabanta 800,000 ka mga tinawo sang DepEd kag nagatuyo nga malab-ot ang mga komunidad sa isla kag upland sa Camarines Sur, Romblon, Camiguin, kag iban pa nga mga malayo nga lugar.
Ginkalipay naman ni DepEd Secretary Sonny Angara ang pagkalakip sang sektor sa amo nga programa.
Sa idalum sang programa, i-validate sang DepEd ang mga kwalipikado nga benepisyaryo sa tion sang pagbaligya sang Kadiwa kag i-coordinate ang bulanan nga iskedyul sang distribusyon, samtang ang DA magasiguro sang estable nga supply sang barato, dekalidad nga bugas kag iban pa nga mga produkto pang-agrikultura.
Ang ini na inisyatibo kabahin sang pagpasangkad sang DA sa Benteng Bigas Meron Na, nga nagatuyo sa pagserbisyo sa 15 milyon ka mga panimalay sa masunod nga tuig.
