Mahimo na nga mabakal sang mga mamumugon halin sa sektor sang transportasyon ang subsidized rice sa idalum sang P20 per kilo rice program sang gobyerno bwas nga adlaw.
Suno sa Department of Agriculture (DA), 57,000 ka mga public transport workers ang maka-avail sang subsidized rice.
Ini nga mga mamumugon ang ginalakipan sang mga driver sang bus, jeep, traysikol kag mga operator sang transportasyon.
Sa idalum sang programa, ang mga kwalipikado nga drivers kag operators ang pahanugutan nga makabakal sang tubtob 10 ka kilo sang bugas kada bulan sa subsidized nga presyo.
Lakip sa mga gindesignar nga distribution centers amo ang Philippine Fisheries Development Authority sa Navotas, Bureau of Animal Industry and Agricultural Development Center sa Quezon City, Agribusiness and Marketing Assistance Division sa Cebu, Food Terminal Inc., warehouse sa Angeles, kag ang Agribusiness and Marketing Assistance Office sa Tagum.
