PONTEVEDRA, CAPIZ – Gin-aprubahan sang Sangguniang Bayan sang Pontevedra ang ordinansa nga nagapahanugot sa munisipyo nga makautang sa bangko sang P20 milyon.
Sa interview sang Bombo Radyo kay Vice Mayor Ferne Oquendo nga matapos ang pila ka bulan nga pagtalakay sa ila lebel kag ginpatigayon nga mga public hearings natigayon nga magkasugot ang mga miyembro sang Sangguniang Bayan nga aprubahan ang nasambit nga kantidad.
Suno pa kay Oquendo, kinahanglan maka-loan ang ila banwa para nga makabakal sang tatlo ka mga truck nga gamiton para sa paghakot sang basura sa mga kabarangayan.
Dugang pa sini nga indi paglaktan sang pumulitika ang nasambit nga tikang sang munisipyo kay sang nagligad pa ni nga tuig ginplanuhan.
Naintindihan man sini ang pagkwestiyon sang mga kaupod sa kantidad nga pagautangon.
