ROXAS CITY – Naglab-ot sa P544,000.00 nga Standard Drug Price ang narekober sa 31-anyos nga lalaki, matapos ang ginkasa nga buy-bust operation sa Barangay Lawaan, Roxas City.
Ginkilala ang nadakpan kay Christian Barrosa, aircon technician, kag residente sang Brgy. Banica, sining syudad.
Sa impormasyon nga nakuha sang Bombo Radyo nagikan sa Roxas City PNP, ginapahayag nga nakuha sa posesyon sini ang 17 tanan ka sachets sang ginapatihan shabu nga may kabug-aton 80 gramos kung sa diin 1 diri ang nabakal sang mga otoridad, P10,500.00 nga buy-bust, (1) unit motorsiklo nga Yamaha NovoZ 110.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nadakpan.
Sa karun nagapabilin ini sa paghinakop sang Roxas City PNP para sa nagakaigo nga disposisyon.
