Gin-aprubahan na sang House of Representatives ang P6.352-trillion national budget para sa tuig 2025.
Ang nasambit nga pag-apruba isa ka adlaw matapos ini ginsertipikahan ni President Ferdinand Marcos Jr. nga urgent.
May yara sang kabug-usan nga 285 nga kongresista ang nagboto nga nagpabor sa House Bill 10800 ukon kilala bilang “An Act Appropriating Funds for the Operation of the Government of the Republic of the Philippines”.
Samtang may yara naman sang tatlo nga kongresista ang nagpamatok sa nasambit nga hagna.
Ginpasalamatan ni House Speaker Ferdinand Romualdez ang kapareho nga mamalidha bangud sa pagpapasar sang budget.
Pahayag sini nga importante ang nasambit nga budget para sa pagpondo sa mga nagapanguna nga proyekto sang gobyerno kaangay sa imprastraktura, human kag social development, environmental protection, technological innovations kag sustainable development.
