-- ADVERTISEMENT --
ROXAS CITY – Aprubado na sa ginpatigayon nga Provincial Development Council Meeting (PDC) ang P7 bilyones pesos nga pondo sang probinsiya para sa masunod nga tuig 2018.
Ginpangunahan ni Governor Antonio del Rosario ang nasambit nga sinapol kaupod ang mga alkalde sa kabanwahanan, Vice Governor Nonoy Contreras, board members kag NGO’s.
Kalakip sa pagakadtuan sang nasambit nga pondo ang general fund nga nagalab-ot sa P1 bilyones; 20% development fund nga P244 milyones; special education fund nga P10.5 milyones; Calamity fund kag gender and development (GAD) nga tag P79 milyones kag ang external sources naman nga nagalab-ot sa P5 bilyones.
