Indi nagin-satisfied ang National Boxer kag 8 Division World Champion nga si Manny ‘Pacman’ Pacquiao sa mga kombinasyon nga ginhatag niya sa iya away batuk sa Mexican boxer kag WBC Welterweight Champion nga si Mario Barrios.
Ginpahayag ni Pacquiao nga mahinalungon si Barrios sa paghaboy sang sumbag apang puno kag gamhanan ang iya ginahaboy.
Gindugang pa sang 8 Division World Champion nga apisar nga nalipay siya sa iya performance sa ila away, indi siya kuntento sa statistics sang iya most missed punches.
Suno sa iya, indi siya kontento sa mga kombinasyon nga iya ginpaguwa kag nakita niya nga dapat agresibo siya sa paghaboy sang mga sumbag kag kombinasyon para sa isa ka knockout.
Sa punch statistics sang away sang duha ka boksingero, nagapangibabaw si Barrios nga may score nga 120/658 para sa mga sumbag nga nag-landing kay Pacquiao samtang 101/507 naman ang naka-record sang National Boxer.
Samtang bukas ang magtimbang nga bahin sa rematch agud mahibaluan kun sin-o gid ang dapat magdala sang kampeonato.
