Nagapabilin sa Mexican-American boxer nga si Mario Barrios ang WBC welterweight title matapos nagtakop sa majority draw ang hampang nila ni eight-division world champion Manny Pacquiao subong nga adlaw, Hulyo 20.
Sa 12-round showdown sa MGM Grand Garden Arena sa Las Vegas, Nevada, isa ka judge ang nagpabor kay Barrios, 115-113, samtang duha naman ang nag-skor sang draw, 114-114.
Bangud sa desisyon, ginkabos ang 46-anyos nga Pinoy boxing icon nga ma-reset ang iya record bilang pinakatigulang nga welterweight champion, isa ka record nga nahimo niya sang ginlutos si Keith Thurman sang USA paagi sa split decision sang 2019 agud makuha ang WBA belt sa edad nga 40.
Matapos gin-anunsyo ang resulta, gin-ako ni Pacquiao nga nagpinsar siya nga siya ang nagdaog sa sambuwa. Gindayaw man sini si Barrios sa ginpakita sini nga istilo sa ring.
“I thought I won the fight,” suno sa Hall of Famer. “It was a close fight. My opponent was very tough. Barrios is a wonderful fighter,” pahayag sini sa iya 30-anyos nga kasumpong.
Nahibaluan nga apat ka tuig na halin sang nagretiro si Pacquiao sa sini nga sports event matapos ginlutos ni Yordenis Ugas.
Sa official weigh-in sang Sabado, nagpahayag ini nga nalipay siya nga makabalik sa ring: “I’m so happy I’m back because boxing is my passion and I missed boxing.”
