Padayon nga pagsaka sang presyo sang LPG, may epekto sa pagkaon

Nagpaandam ang isa ka mamalidha nga may epekto sa pagkaon ang padayon nga pagsaka sang presyo sang liquefied petroleum gas (LPG) kag kerosene.

Ginpahayag ni Senior Citizens party-list Rep. Rodolfo Ordanes nga posible magnubo ukon maggamay ang servings nga ginaserbe sa tagsa ka karinderia.

Dugang pa sini nga ang pagtaas sang presyo sang langis ang indi lamang makaapekto sa sektor sang transportasyon kundi magaigo man sa industriya sang pagkaon.

Ang mga restaurant, panaderya kag pila ka mga kalan-an mahimo man nga mapilitan sa paggamit sang uling sa pagluto.

Matandaan nga gin-implementar sang Abril 1 ang una nga saka sa presyo sang P5 kada kilo sang LPG nga pagasundan sang P5 sa masunod nga semana.