Ginbisita ni Philippine Air Force Commanding General Lt. Gen. Arthur Cordura ang mga importante nga pasilidad sa West Philippine Sea.
Naghiwat sang 2 ka adlaw nga field visit ang PAF chief sa Antonio Bautista Air Base (ABAB) sa Palawan kag sa Pag-asa Island humalin Enero 14 tubtob 15, 2025.
Ang pagbisita sang PAF chief sa nasambit nga mga lugar ang may kaangtanan sa commitment sang Hukbong Himpapawid ng Pilipinas sa national security kag safety sang ila personnel.
Mainit naman nga ginsugata sang mga tropa nga nakadestino sa Antonio Bautista Air Base si Lt. Gen. Cordura sa pagpanguna ni Tactical Operations Wing West (TOWWEST) Commander Brigadier general Erick Escarcha.
Sa iya pagbisita, ginpadungan sang opisyal ang nagkalain-lain nga mga pasilidad kag nagpakig-angut sa mga tropa nga nakaistasyon sa lugar.
Ginpadulungan man sang PAF Commander ang Balabac Island sang isa ka estratehiko nga Enhanced Defense Cooperation Agreement (EDCA) site nga yara sa area of responsibility sang Tactical Operations Wing West nga may importante nga papel sa pagpakusog sang defense capabilities sang pungsod, pagpasanyog sang regional security kag pagpadali sang kooperasyon sa humanitarian kag disaster relief operations.
Ginbisita man sang PAF chief ang Pag-asa Island sa WPS agud pakusugon ang indi matupungan nga dedikasyon sang PAF sa pagprotekta sa soberaniya sang pungsod.
