Magahiwat sang multilateral maritime cooperative activity ang Philippine Air Force (PAF) kaupod ang Japan Air Self-Defense Force (JASDF) sa Cebu sumugod Oktubre 2 tubtob 6 nga may kaangtanan gihapon sa padayon nga territorial dispute sa West Philippine Sea.
Sa isa ka pahayag, Gin-athag ni Armed Forces of the Philippines (AFP) Chief of staff Gen. Romeo S. Brawner nga ang pagahiwaton nga multilateral maritime cooperative activity ang nagatuyo nga mas pabaskugon ang international support kag kooperasyon sang mga pungsod para sa masulhay kag mas bukas nga Indo-Pacific.
Ginabulubanta nga yara sa 150 ka opisyal gikan sa PAF kag JASDF ang magatambong sa joint exercise nga pagatawgo nga 2024 Doshin-Bayanihan joint training exercises.
Ang maritime drills ang pagahiwaton sa Brig. Gen. Benito N. Ebuen Air Base sa Lapu-Lapu City, Cebu agud sa mas madalom nga kooperasyon sa syudad sa paghatag sang Humanitarian Assistance kalakip na ang mas madasig nga Disaster Response.
Samtang, ang mga nasambit nga drills naman ang ginakalakipan sang mga simulated airdrop flight training, load/offload training, aeromedical evacuation exercises kag sang subject matter expert exchanges.
“Doshin-Bayanihan is a testament to the growing bilateral relationship between the Philippines and Japan, by working together, the PAF and JASDF are demonstrating their commitment to peace, security, and the well-being of their respective nations.” pahayag sang PAF.
