Ginkalipay sa Archdiocese of Capiz ang pagpili sang Santo Papa kay Fr. Cyril Villareal, bilang bag-o nga Obispo sang Kalibo nga nagahatag sang dungog kag paglaum sa simbahan sang Capiz.
Sa interview sang Bombo Radyo kay Rev. Fr. M. Lex Orocio Gevero, Chairman ng Commission on Social Communications and Mass Media sang Archdiocese of Capiz, iya ginkumpirma ang pag-appoint ni Pope Leo XIV kay Fr. Cyril Villareal, bilang bagong Obispo ng Diocese of Kalibo.
Suno kay Fr. Gevero, isa ka dako nga bugay kag inspirasyon” ang appointment ni Villareal para sa mga seminarista kag kabataan nga naga-alagad sa Simbahan.
Pagatal-usan ni Fr. Cyril Villareal si Bishop Jose Corazon Tala-oc, nga nagretiro sang Hunyo 2025 pagkatapos sang halos 14 ka tuig nga pag-alagad sa Diocese of Kalibo.
Natawo si Villareal sang Marso 1974. Nagtuon siya sang philosophy sa St. Pius X Seminary sa Roxas City kag sang theology sa University of Santo Tomas (UST) sa Maynila. Na-ordenar siya nga pari sang Mayo 25, 2001.
May ara siya sang master’s degree sa higher religious studies kag licentiate sa sacred theology gikan sa UST, kag master’s sa moral theology gikan sa University of Vienna sa Austria.
Sang 2005 tubtob 2010, nag-alagad siya sa Archdiocese of Vienna bilang assistant chaplain sang Filipino Catholic Chaplaincy kag assistant priest sa Parish of Our Lady of Mount Carmel.
Nagserbi man siya bilang assistant dean of theology sa Sancta Maria Mater et Regina Seminarium sa Roxas City sang 2000 tubtob 2004.
Sang Hulyo 2024, gin-assign siya bilang parish priest sang St. Thomas of Villanova Parish sa Dao, Capiz. Naging vicar general man siya sang panahon ni Cardinal Jose Advincula bilang Arsobispo sang Capiz.
Pagkatapos ginsaylo si Advincula sa Archdiocese of Manila sang Hunyo 2021, napili si Villareal bilang administrator sang Archdiocese of Capiz hasta nag-abot si Archbishop Victor Bendico sang Mayo 2023.
Si Villareal man ang rector sang Colegio de la Purisima Concepcion sa Roxas City.
Ginpahayag ni Fr. Gevero nga ang appointment ni Villareal “hindi lang dungog para sa Archdiocese sang Capiz kundi pamatuod sang kalidad sang formasyon kag pag-alagad sang mga pari sang Capiz.”
