Ginatun-an sang gobyerno sang Pilipinas ang posibilidad nga ma-evacuate ang mga Pilipino halin sa Israel padulong sa Jordan pinaagi sa Allenby Bridge.
Ini kon magdaku ang pagbayluhanay sang pagpang-atake sa tunga sang Israel kag Iran suno sa Department of Foreign Affairs Usec. Eduardo de Vega.
Suno kay ASec. Robert Ferrer, nagsiling nga ang tulay sa Jordan bukas sa limitado nga oras lamang kada Domingo halin alas 8:00 sang aga tubtob alas 2:00 sang hapon.
Apang mahimo lamang ini matabo kon ang lebel sang alerto sa Israel ginpataas sa lebel 3 ukon 4
Kon sa diin sa idalom sang Alert level 3, ang boluntaryo nga pagpauli ang ipatuman samtang ang Alert level 4 nagakahulugan sang mandatory repatriation.
Ginpahayag na sang DFA nga ginatun-an nila kun ipatuman ang boluntaryo ukon mandatory repatriation sang mga Pilipino sa Israel. Sa subong 30. 00 suno sa iya ang mga Pilipino nga yara didto.
Samtang, ginapreparar man sang DFA ang contingency plan para sa mga Pinoy sa Iran, lakip na ang ila posible nga pagbakwit pinaagi sa Turkmenistan.
Sa kaiping nga pungsod sang Jordan nga yara sa tunga sang magkaribal nga Israel kag Iran, ginpahibalo man ang 41,000 ka mga Pinoy didto nga magpabilin nga alerto.
