Opisyal na nga ginlunsyar sang Pag-IBIG Fund ang online shopping of properties sini nga Pag-IBIG Acquired Assets Online Public Auction (OPA) sadtong Nobyembre 15.
Tinutuyo sang OPA nga makapili ang mga luyag nga magbakal sang balay sa properties sang ahensya kag makasumiter sila sang bids gamit ang online platform.
Gamit ang anuman nga device nga may internet connection, mahimo nga magrehistro ang homebuyer para sa ila nga permanent buyer ID kag makit-an ang available properties sang Pag-IBIG Fund nga indi na kinahanglan pa nga magpadulong sa anuman nga branch sini.
Sa add to cart feature naman, mahimo nga magpasa sang bids sa madamo nga properties gamit ang isa ka click.
Sa mga luyag nga mag-bid manually, mahimo sa gihapon ini nga himuon tubtob Disyembre 31 subong nga tuig.
