Ginatugutan ang sin-o man nga Senador nga mag-inhibit pananglitan nga ipasaka na ang reklamo kag suguran na ang impeachment trial batuk kay Vice President Sara Duterte sa Senado.
Suno kay Senate President Chiz Escudero, kinamatarong sang sin-o man ang mag-inhibit bilang hukom sa impeachment apang kinahanglan lamang nga himuon ini nga boluntaryo.
Indi ini suno diri mahimo nga desisyunan sang mayorya sang impeachment court kundi mismo nga ang senador lang nga luyag mag-inhibit sa impeachment process.
Pahahayag pa ni Escudero nga ini man ang ginahimo sang mga collegial court kaangay sang Commission on Elections (COMELEC), Sandiganbayan, Court of Appeals, kag Korte Suprema kung sa diin may ginapa-inhibit nga mahistrado maga-file lamang sang mosyon ang Korte apang ini kinahanglan nga personal nga desisyon sang judge.
Matandaan pila sa mga senador kaangay ni Senator Bato dela Rosa kag Senator Bong Go ang kilala nga mga kaalyado sang anay Duterte administration.
