Sa isa ka landmark decision nga ginapaabot nga magabag-o sang dalagan sang mga kaso sibil sa Turkey, ang isa ka korte sa syudad sang Kayseri nagsakdag sang divorce petition sang isa ka asawa batok sa iya bana bangod lamang nga naluyagan niya ang mga litrato sang iban nga mga babayi sa social media.
Ang babaye, nga naghatag sang alyas nga “H,” nag-akusar sa iya bana nga “B” nga naglapas sa “marital duty of loyalty” kag nagpakahuya sa iya paagi sa masami nga pagkomento kag pag-like sa mga post sang iban nga mga babaye online.
Bilang silot, ginmanduan sang korte ang lalaki nga magbayad sang 80,000 Turkish lira (masobra P100,000) bilang bayad kag dugang nga bulanan nga sustento nga 750 lira.
Ini nga desisyon nagserbe nga paandam sa publiko, suno sa mga eksperto sa kasuguan, bangud nagapamatuod ini nga ang mga screenshot, likes, kag digital footprints mahimo na karon gamiton bilang solido nga ebidensya sang pagkasad-an sa pag-asawahay.
Bangud sa verdict, lauman nga mas mangin istrikto ang korte sa pag-usisa sa social media behavior sang mag-asawa bilang basehan sang pagbulagay.
