Lauman ang pag-ulan sa adlaw sang eleksyon suno sa Philippine Atmospheric, Geophysical and Astronomical Services Administration (PAGASA) subong nga Domingo sang hapon.
Suno sa weather forecast, magapadayon ang epekto sang frontal system kag easterlies nga magadala sang pag-ulan sa nagkalain-lain nga bahin sang pungsod.
Ang Batanes kag Babuyan Islands ang maka-eksperyensya sang magal-umon nga kalangitan kag lapta- lapta nga pag-ulan nga may dala nga thunderstorms; nga posible tunaan sang flash floods ukon landslides.
Samtang ang Metro Manila kag nabilin nga bahin sang pungsod ang maka-eksperyensya sang medyo magal-umon tubtob magal-umon nga kalangitan nga may panalagsahon nga pag-ulan.
Sa extreme northern Luzon, mabatyagan ang kasarangan nga mabaskog nga hangin kag kasarangan tubtob mabalod nga kadagatan ang mabatyagan sa extreme northern Luzon.
Sa nabilin nga bahin sang Luzon, Visayas, kag Mindanao, may mahina tubtob kasarangan nga hangin kag medyo nga pagbalud sa kadagatan.
