Pag-ulan-ulan lauman tuga sang localized thunderstorm

ROXAS CITY – Pag-ulan-ulan sa tunga sang bulan sang Mayo lauman bangud sa localized thunderstorm.

Ini ang ginpahayag ni Cesar Aspera, Weather Observer sang Philippine Atmospheric Geophysical and Astronomical Services Administration (PAGASA)-Capiz sang mainterview sang Bombo Radyo.

Suno diri, gindeklarar sang PAGASA ang wet season apisar wala pa ang bulan sang Hunyo bangud sa tempanu nga pag-ulan-ulan nga na ekperensyahan sa pila ka mga lugar ilabi na sa Visayas.

Lauman suno diri ang gulpi nga pag-ulan ilabi na sa syudad sang Roxas, kag mabalud nga kadagatan bangud sa localized thunderstorm

Ginklaro man ni Aspera nga wala pa sang namonitor ang PAGASA kun may yara sang palaabuton nga Low Pressure Area (LPA).