ROXAS CITY, CAPIZ- Madugay na nga ginpalab-ot sa Department of Public Works and Highways (DPWH) 1st District Enginnering Office, ang reklamo sang pagbinaha sa Barangay Tiza, Roxas City.
Sa interview sang Bombo Radyo kay Roxas City Councilor Midelo Ocampo, Chairman sang Committee on Housing/Urban Poor, iya ginpahayag nga sang 2019 pa ginpalab-ot sa amo nga talatapan ang reklamo apang tubtob sa karon nga tuig 2025, wala sa gihapon, maaksyunan.
Suno kay Ocampo, indi masarangan sang Roxas City Government ang amo nga paghatag sang aksyon kag nagakinahanglan gid sang bulig sa National Government.
Samtang, ginsiling man ni Ocampo nga liwat nila nga istoryahon ang Department of Public Works and Highways (DPWH) 1st District Enginnering Office agud nga mapukaw kag mahatagan na sang nagakaigo nga aksyon ang problema sang pagbaha sa amo nga lugar.
Interviewed by Bombo Sunnie Mae Constantino Batencila
