Nangin maayo ang pagbalik sa hampang ni Jayson Castro matapos nga lutuson sang TNT Tropang Giga ang Blackwater sa score nga 109-93.
Ini na ang pangaduwa nga sunod nga kadalag-an sang TNT sa nagapadayon nga PBA Commissioners Cup nga ginhiwat sa Ninoy Aquino Stadium.
Mahibaluan nga wala nakaupod si Castro sa tatlo ka hampang sang team bangud sa injury kun sa diin siya ang naka-record sang 16 points.
Nagpanguna sa kadalag-an sang TNT si Rondae Hollis-Jefferson nga nagpagkit sang 22 points samtang may ara naman sang 19 points si Rey Nambatac kag 18 points ang nalista ni Calvin Oftana.
Ginpahayag ni TNT coach Chot Reyes nga daku ang bulig para sa ila ang walo ka adlaw nga pagpahuway para sa Christmas break.
Nalimitahan lamang sa 28 points ang nalista ni George King para sa Blackwater.
