ROXAS CITY – Wala sang nabag-o sa London sa pihak nga nabutang sa kontrobersiya ang British Royal family, bangud sa nangin rebelasyon ni Meghan Markle sa isa ka interview.//
Sa interview sang Bombo Radyo Roxas kay Bombo International News Correspondent Zari Wilmot, isa ka Capizenia nga nagatrabaho sa Buckingham, London sa sulod sang 20 ka tuig, napabilin sang royal family ang respeto kag dignidad sang ila nga pamilya, bangud wala nadula ang pagsalig sang mga tawo sa ila.
Suno kay Wilmot nga mayorya sa mga residente ang wala nagustuhan ang nangin tikang ni Markle para mapaguwa ang mga hibubun-ot sa Royal Family.
Wala man sang epekto ang pagbiya ni Harry bangud sa line of succession sa british throne yara ini sa ikaanum nga pwesto.
Indi man matood nga racist si Queen Elizabeth, pag-abot sa anak ni Prince Harry kag Meghan bangud posible nga na-misinterpret lamang ang pila ka question sang reyna sang englatera kun sin-o ang ka-itsura sang apo sa tuhod.
Nagapati ang kadam-an nga bangud artista si Markle kag gusto nga mapabilin ang popularidad nanibag-o ini sang mangin kabahin sang royal family nga kilala nga reserved.
Matapos nangin vocal si Markle sa iya hibubun-ot sa royal family nagpaguwa sang malip-ot nga statement ang palasyo nga ila estoryahan ang isyu privately bilang isa ka pamilya.
Samtang ginaplanuhan sa karon nga dalayon na nga kuhaan sang titulo nga Duke and Duchess of Sussex ang mag-asawa nga Harry kag Meghan Markle.
