Ginkumpirmar sang Office of the Vice President nga nagbalhin sang pungsod ang ila chief of staff nga si Undersecretary Zuleika Lopez para sa isa ka “personal” trip.
Suno sa OVP, nakatalana nga magbalik sa pungsod ang nasambit nga opisyal sa tunga sa bulan sang Nobyembre sa sini nga tuig nga ini.
Paathag pa sang opisina sang bise presidente nga may basbas ni Vice President Sara Duterte ang byahe ni Lopez.
Nagsumiter man sang nagakaigo nga mga dokumento si Lopez nga kinahanglanon para makabyahe ang isa ka opisyal sang gobyerno.
Kun matandaan, naghiwat sang pagdinig ang House good government and public accountability committee natuhoy sa isyu sang Confidential kag Intellengence Fund sang OVP kag DepEd.
Diri naungkat ang impormasyon nga magbalhin sang pungsod si Lopez sakay sang isa ka flight padulong sa Los Angeles.
Una na nga ginhinyo sang komite sa Department of Justice nga magpaguwa sang look out bulletin batuk sa pito ka opisyal sang OVP.
Ginsiling naman ng Justice Department nga wala sang derogatory record ang mga ini ukon wala sang arrest warrant. Buot silingon, indi pwede nga magpaguwa ang DOJ pinaagi sang BI sang look out bulletin nga ginhinyo sang komite
