Pagdugang sang Kapin 2k nga guidance personnel sa mga public schools sa 2027, ginaduso sa Kongreso

Ginaduso sa Kongreso ang pagdugang sang kapin 2,000 ka guidance personnel sa mga pampubliko nga eskwelahan sa 2027.

May proposed nga P802 milyon nga pondo para mapabaskog ang mental health kag child protection services sang mga estudyante.

Suno kay House Minority Leader Marcelino Libanan, magadugang sang 1,800 school counselor associates kag 221 school division counselors sa DepEd.

Ginpahayag man sini nga importante ini bangod nagalala ang bullying, school violence, kag iban pa nga problema nga makaapekto sa mental kag emosyonal nga kahimtangan sang mga estudyante.

Dugang pa niya, indi lang physical security ang kinahanglan sa mga eskwelahan, importante man ang emotional kag psychological support para sa mga estudyante.