ROXAS CITY – Ginakabig nga seryoso nga isyu ni Capiz 1st District Congressman Emmanuel Billones Sr., ang ginhimo nga tikang ni Magdalo Partylist representative Gary Alejano nga nagpasaka ini sang impeachment complaint sa Kamara batuk kay President Rodrigo Duterte.
Sa interview sang Bombo Radyo sa kongresista, ginpahayag sini nga lipod sa ihibalo sang Magnificent 7 ang ginhimo sang kasubong nga kongresita.
Apang gin-ako ni Billones nga nakabaton ini sang text message gikan kay Alejano sa diin nagpangayo ini sang pasaylo sa wala pagsugid sa ila sang himoon nga tikang.
Samtang wala sang plano ang Magnificent 7 nga makigsapol kay Alejano kag hibaluon ang nangin desisyon sa pagfile sang impeachment complaint, bangud natabuan nga recess sa Kamara kag magapauli na sa ila tagsa ka distrito ang mga kongresista.
