Paggamit sang vape ni Blackpink member Jennie, ginapaimbestigaran na

Ginapaimbestigaran sa mga otoridad sang South Korea ang paggamit sang vape ni Blackpink member nga si Jennie.

Makit-an sa video sa channel sang singer nga nagasuyop ini sang vape samtang ini ang gina-make-upan sang iya make-up artist.

Matapos ang nabaton nga pagpakamalaot nagikan sa mga fans, gin-delete ang nasambit nga video.

Nahibaluan nga ginakabig nga iligal sa South Korea ang paggamit sang sigarilyo ukon vapes sa sulod sang establisiyemento.

Suno sa Ministry of Foreign Affairs sang South Korea, nakabaton sila sang petitions agud imbestigaran ang nasambit nga insidente.

Samtang, nagpangayo sang pasaylo ang agency nga may uyat sa singer kun sa diin tuman nila nga ginhinulsulan ang insidente.