Ginsiguro ni Finance Secretary Ralph Recto nga hugot nga pagabantayan ang paggastos sang Philippine Health Insurance Corporation (PhilHealth).
Kadungan sini, nanindugan man si Recto nga may bastante nga pondo ang PhilHealth para sa ila operasyon sa pihak sang zero budget sa fiscal year 2025.
Siling ni Recto nga naglab-ot pa sa P280 bilyon ang reserved funds sang PhilHealth kag may surplus nga ginabanta nga yara sa kapin P150 bilyon.
Dugang pa ni Recto nga pagasiguruhon sang DOF nga mas mangin maayos ang paggastos sang PhilHealth kag sa tuig 2025, magatutok ini sa 10 nagapanguna nga mga balatian nga nakaapekto sa mga Pilipino.
Nauna na man nga ginpahayag ni Presidente Ferdinand Marcos Jr. nga may bastante nga pondo ang PhilHealth para magamit sa mga serbisyo sini sa mga Filipino sa pihak sang zero budget subong nga tuig 2025.
