Ginaduso ni Abra Representative Ching Bernos nga magawaran sang Congressional Medal of Excellence si Carlos Yulo kaangay sang gingawad sadto sang Kamara kay weightlifter Hidilyn Diaz nga nakakuha sang Olympic gold medal sadtong 2021.
Suno ka Bernos, nakasaad sa gin-file niya nga House Resolution No. 1839 nga nagahatag sang pasidungog kag pagkilala sa kadalag-an ni Yulo matapos magdaog sang duwa ka bulawan nga medalya sa 2024 Summer Olympic Games sa Paris, France.
Gimhatagan pagtamod sa resolusyon nga dapat pasidunggan sang Kamara si Yulo bangud sa kadalag-an kag inspirasyon nga gindala sini sa bug-os nga Pilipinas kag mga Pilipino.
Samtang, nagpahayag man sang takos sa tagipuson nga pagtamyaw ang Puwersa ng Bayaning Atleta (PBA) Partylist kay Yulo.
Suno kay PBA Partylist Representative Migs Nograles, matuod nga dalayawon ang dedikasyon, pagpanikasog kag talento ni Yulo nga isa ka halimbawa sa mga atleta nga Pilipino nga handom mangin world-class champions.
