Nagsaka ang presyo sang bugas sa pungsod sa ika-duha nga semana sang Pebrero, suno sa Philippine Statistics Authority (PSA).
Sandig sa datos sang ahensiya, naglab-ot sa P53.54 kada kilo ang national average retail price sang milled rice sadtong Pebrero 15–17, 2026. Mas mataas ini kun ipaanggid sa P52.62 kada kilo sang una nga semana sang Pebrero kag P50.97 kada kilo sang ika-duha nga semana sang Enero. Subong man, mas manubo ini kun ipaanggid sa presyo sa pareho nga panahon sang 2025.
Nagsaka man ang presyo sang karne sang baka nga may tul-an sa P375.00 kada kilo, samtang nagnubo naman ang presyo sang galunggong sa P246.38 kada kilo.
Samtang, nagnubo ang presyo sang kamatis sa P95.74 kada kilo kag ang pula nga sibuyas sa P177.33 kada kilo sa ika-duha nga semana sang Pebrero, apang nagapanilin nga mas mataas ang pila sa mga ini kuin ipanggid sa presyo sang tinalikdan nga tuig.
