Kun ikaw mahisaon, palahikay kag chismosa nga klase sang tawo?
Ini na ang tion nga untaton na ang mga nasambit nga pamatasan bangud ini ang may yara sang negatibo nga epekto sa lawas sang isa ka indibidwal.
Sandig sa bag-o nga pagtuon sang College of Psychiatric Study of Human Behaviors sang University of Alabama sa Estados Unidos, napamatud-an nga ang mga malain nga mga pamatasan kasubong sang pagkamahisaon, pagkapalakihay kag pagkachismosa ang mahimo nga tunaan sang seryoso nga mga mental disorder kag mahimu man nga tunaan sang early natural deaths ukon kamatayon.
Suno sa eksperto, makakuha ang nasambit nga buluhaton sang bastante nga anger kag envy stimuli sa lawas ang isa ka indibidwal nga nagapakita kag nagabatyag sang amo nga mga pamatasan kag ini ang naga-amat-amat kaon sa mga happy stimuli nga yara sa utok sang tawo nga nagadevelop sa short term depression nga possible nga tunaan sang mas malala nga mga stages sang mental disorders kasubong na lang sang pagka-buang.
Dugang pa sang mga eksperto, ang nasambit nga pamatasan ang nagahimo man nga nagapanubo sang life span sang isa ka tawo bangud sa nagkalain-lain nga stress nga mahimu sini nga mabatyagan.
Kaangtanan diri, nagpanugyan ang eksperto nga untatan na ang pagkamahisa, pagkapalahikay kag pagkachismosa bangud ini ang wala sang maayo nga dulot sa ikaayong lawas.
