ROXAS CITY – Wala pa sang konkreto nga rason nga malantaw, ang gulpi nga pagkadula ni Punong Barangay Wennie Dimas sang Barangay Aglupacan sang damlag.
Ini ang ginpahayag ni Lt. Col. Jay Javines tagpamaba sang 3ID Philippine Army, sang mainterview sang Bombo Radyo.
Suno kay Javines, nagahulat sila tubtob subong sang resulta sang imbestigasyon sang Tapaz PNP angut sa insidente.
Matandaan suno sa panaysayon sang hinablos ni Dimas, ulihi ini nga nakit-an sang Miyerkules sang hapon sa Barangay Sinunod kun sa diin nagtabok sa suba agud magkuha sang mga gamit para sa gina-ubra nga water system sa ila barangay.
Ginklaro man ni LTt. Col. Javines nga wala sang may kaangtanan ang mga rebelde nga grupo angut sa pagkadula sang nasambit nga Punong Barangay bangud wala ini ginaagyan.
Apang dako nga palamangkutanon sang tanan bangud nakit-an ang pila ka mga kagamitan ni Dimas sa Panay River sa Barangay Garcia kaiping lamang nga barangay, apang wala na ini.
Sa karun, nagapadayon pa ang imbestigasyon sang mga kapulisan subong man ang search and rescue operation sang katapo sang Municipal Disaster Risk Reduction and Management Office (MDRRMO) kaupod ang Tapaz PNP angut sa insidente.
