Pagkaigo sang security guard, aksidente lamang

ROXAS CITY – Nagapanindugan ang isa ka security guard nga aksidente lamang ang pagkaigo sang pusil sang kaupod nga security guard nga nagatrabaho sa Capiz Government and Business Center.

Suno kay security guard Glen de Asis nga ginturn-over sa iya sang kaupod nga si SG Micheal Albaran ang service firearm nga .9mm.

Apang nabudlayan ini sa pagkuha sa magazine sang armas kag sang makita ini sang isa nila ka upod nga si SG Joel Morales nagpresenta ini nga magbulig.

Apang ginkakibot na lamang sang tatlo sang naigo si SG Morales sa kilid sang guya.

Sa imbestigasyon sang pulisya nagaguwa nga aksidente lamang nga napitik ang armas samtang ginakuha ang magazine.