Gin-anunsyo sang Los Angeles Lakers nga ang ila trade para makuha si center Mark Williams nagikan sa Charlotte Hornets ang ginbawi na.
Ginpahayag sang Lakers nga ginbawi ang deal “bangud sa kapaslawan nga makit-an ang isa ka kondisyon sang trade,” apang wala sang ginhatag nga dugang nga detalye angut sa partikular nga isyu.
Ang nasambit nga trade ang ginkasugtan sadtong Miyerkules sang gab-i, kun sa diin ginabaylo sang Lakers ang rookie nga si Dalton Knecht, Cam Reddish, kag pila ka draft considerations kabaylo ni Williams, isa ka third-year center.
Kaupod man sa trade ang una nga round pick sang Lakers sa 2031 kag isa ka first-round pick swap sa 2030.
Ginhiwat ini bangud kinahanglanon sang Lakers sang isa ka dako nga players agud magbulos kay Anthony Davis, nga ginbaylo sa Dallas kaupod si Max Christie kabaylo ni Luka Doncic.
Rason nga gilayon nga naglupok ang spekulasyon online nga ang rason sang pagbawi sang trade amo ang kasaysayan sang injury ni Williams kun sa diin sa tatlo ka tuig, nakahampang lamang siya sang 84 nga hampang sa NBA bangud sa problema sini sa likod kag iban pa nga mga nabatyag.
