Patay ang isa ka coast guard trainee matapos maglupok ang ugat sa iya sini nga ulo samtang nagapatigayon sang training exercise sa bahin sang Regional Training Center Capiz sang Philippine Coast Guard-Capiz.
Ang biktima amo si alyas “Joseph”, 29-anyos kag residente sang Guadalupe, San Carlos, Negros Occidental.
Sa interview sang Bombo Radyo kay Coastguard Lieutenant Commander Lady Deann Terazona sang Regional Training Center Capiz sang Philippine Coast Guard-Capiz, iya ginpahayag nga base sa death certificate sang biktima gikan ospital, cerebrovascular bleeding ang rason sang kamatayon sang biktima.
Suno kay Coastguard Lieutenant Commander Terazona, mataas ang blood pressure sang biktima apang nagpirma ini sang waiver agud nga magpadayon sang iya suni nga training.
Pahayag pa niya, nagpakig-angut na ang ila talatapan sa pamilya sang biktima kag pagabatunon na lang ang kamatayon sang ila nga himata.
Dugang pa sang natungdan, nagapadayon sa gihapon ang imbestigasyon kun bala may yara sang natabo nga foul play sa insidente.
