CAPIZ – Lauman subong nga bulan sang Pebrero ang pagnubo sa pagsuluktan sa bill sang kuryente.
Sa interview sang Bombo Radyo kay Engineer Edgar Diaz, General Manager sang Capiz Electric Cooperative (CAPELCO), nga yara sa P2.00 per kilowatt hour ang pagnubo sa subong nga bulan.
Suno kay Diaz, apisar nagnubo ang kabug-usan nga presyo, wala sang pagbag-o sa distribution charge, bangud ang rason sang pagnubo amo ang pagpanubo sang sukot gikan sa mga supplier sang kuryente, nga nagresulta man sa pagnubo sang ginatawag nga pass-on charges nga ginabayaran sang mga konsumidor.
Pahayag pa niya, kun mangin epektibo, ang isa ka residential consumer nga naga-konsumo sang 200 kilowatt per hour sa isa ka bulan, ginapaabot nga maka-save sang kapin ₱400 sa ila bill sang kuryente subong nga bulan.
Nagpasiguro man ang natungdan nga magapadayon ang maathag kag madasig nga serbisyo sang ila talatapan para sa tanan nga pumuluyo sang probinsya sang Capiz.
INTERVIEWED BY: BOMBO ROADNIE DALANON
