Aminado ang Department of Agriculture (DA) nga makaapekto sa rice importation, subong man sa presyo sang bugas ang posible nga pag-isyu sang temporary restraining order (TRO) batuk sa Executive Order (EO) 62 nga nagatapyas sang taripa sa imported nga bugas.
Matandaan nga nagplastar ang pila ka grupo sang mga mangunguma sang petisyon sa Korte Suprema agud hinyuon nga punggan ang pagpatuman sang EO 62.
Suno kay DA Spokesperson Asec. Arnel de Mesa, kung madayon ini posible nga magresulta ini sang pagkadelayed sa rice importation sa pungsod subong man ang ginaluman nga pagnubo sang retail price sang bugas sa merkado.
Mahimo man suno diri nga magduha-duha ang mga importer kung mag-angkon sang TRO nga siya man ang makaapekto sa suplay sang bugas sa pungsod.
Sa pihak sini, ginsiguro ni De Mesa nga nakahanda ang gobyerno nga solusyonan ang posible nga implikasyon sang TRO.
Giantumod sini ang pagnubo sang presyo sang bugas sa international market kag ang ginaluaman nga pagkakas sa export ban sang India.
